Məşhur reper Obamaya pul verdiyinə görə 14 il həbs cəzası aldı

Amerikalı hip-hop qrupu "The Fugees"in üzvü olan reper Pras (Prakazrel Samuel Michel) ABŞ-ın keçmiş prezidenti Barak Obamanın seçki kampaniyasını qanunsuz maliyyələşdirdiyinə görə 14 il həbs cəzasına məhkum edilib.

Publika.az xəbər verir ki, bu barədə "NBC News" məlumat yayıb.

Məlumata görə, musiqiçi Malayziya dövlət fondu "1Malaysia Development Bhd"dən (1MDB) vəsait mənimsədiyinə görə beynəlxalq axtarışda olan malayziyalı iş adamı Co Loudan 120 milyon dollardan çox pul alıb.

Müstəntiqlər müəyyən ediblər ki, reper vəsaitin bir hissəsini Obamanın 2012-ci il kampaniyasını maliyyələşdirmək üçün istifadə edib.

O, həmçinin şahidləri susdurmaqla və məhkəməyə yalan məlumat verməklə Lou ilə bağlı istintaqa mane olub.

Reper məhkəmədə ifadə verməkdən imtina edib. O, nəticədə digər məsələlərlə yanaşı, xarici hökumətin qeydiyyatsız agenti kimi fəaliyyət göstərməkdə də günahkar bilinib.

Reperin vəkili hökmdən apelyasiya şikayəti vermək niyyətində olduğunu açıqlayıb.

Ləman