"Gizli Materiallar"ın ulduzu CANİYƏ ÇEVRİLDİ: "O, məni iyrəndirir"

"Gizli Materiallar" serialının ulduzu Devid Duçovny yeni "Zərərli Niyyət" serialında cani rolunu canlandırır.

Publika.az xəbər verir ki, o, bu barə "People" jurnalına müsahibəsində məlumat verib.

“Onun insan kimi varlığı məni iyrəndirir, amma aktyor kimi onu oynamaq xoşuma gəlir, çünki bu, mənim düşüncə tərzimə tamamilə ziddir. Bu, demək olar ki, bir əjdahanı oynamaq kimidir və əjdahanı oynamaq əyləncəlidir. Amma o, özünü əjdaha hesab etmir, siz də edə bilməzsiniz,” - deyə 65 yaşlı aktyor deyib.

Aktyorun sözlərinə görə, o, "Ceymi Tanner" kimi təkəbbürlü obrazı tam şəkildə qəbul etməlidir.

“Bu, elə bir adamdır ki, bütün gücə, özünə inama və pula sahib olmasına baxmayaraq, keçmişdə bir sıra hərəkətlər edib və onların əks-sədası onu hələ də narahat edir,” — Devid Duçovny izah edib.

Süjetə görə, müəllim "Adam Hili" "Tanner" ailəsini dağıtmaq istəyir ki, ailənin patriarxı Ceymidən intiqam alsın. Altı seriyalı şou 14 noyabrda "Amazon" platformasında yayımlanıb.

Hüseyn İbadlı