83 yaşında "TikTok"a girən ulduz - Üçüncü arvadı barədə elə etiraflar etdi ki...

Dünyanın ən məşhur aktyorlarından biri olan Entoni Hopkins gənclik illərində "böyük uğur qazanmayacaq" deyilsə də, zəhməti və istedadı ilə kino tarixinin əfsanəsinə çevrildi.

1937-ci ildə Uelsdə anadan olan Hopkins disleksiya səbəbindən məktəbdə çətinlik çəkirdi, lakin musiqiyə və sənətə marağı onu yaradıcılığa yönəltdi. Məşhur aktyor Riçard Börtonla təsadüfi tanışlıqdan sonra o, Uels Musiqi və Dram Kollecinə daxil oldu, daha sonra Londonda aktyor təhsilini tamamladı.

Hopkins əvvəlcə Kral Milli Teatrında parladı və "Qışda Aslan", "Müharibə və Sülh" kimi layihələrlə tanındı. Əsl dünya şöhrətini isə 1991-ci ildə "Quzuların səssizliyi"ndə Hannibal Lekteri canlandıraraq qazandı. Bu rol ona "Oskar" gətirdi.

Sonrakı illərdə o, "Payız əfsanələri", "Tanış olun, Co Blek", "Sınıq", "Ayin" kimi filmlərdə də diqqət çəkdi. 2020-ci ildə isə "Ata" filmindəki güclü performansı ilə 83 yaşında ikinci "Oskar"ını aldı.

Hopkins üç dəfə evlənib. 2003-cü ildən bəri həyat yoldaşı Stella Arroyave onun həyatında sabitlik və dəstək mənbəyidir. O, sosial şəbəkələrdə də aktivdir, paylaşdığı videolarla milyonların sevgisini qazanır.

2025-ci ildə aktyor "Biz bacardıq, insan" adlı memuarının çıxacağını açıqlayıb. O, burada uğura aparan yolundan, səhvlərindən və öyrəndiyi dərslərdən bəhs edir.

Daha ətraflı Baku TV-nin videomaterialında: