"Eurovision" qalibi İsrailə görə kristal mikrofondan İMTİNA ETDİ

2024-cü ildə keçirilən "Eurovision" mahnı müsabiqəsinin qalibi, isveçrəli müğənni Nemo, Qəzzada fələstinlilərə qarşı soyqırımda ittiham olunan İsrailin 2026-cı il müsabiqəsində iştirakına icazə verilməsinə etiraz olaraq mükafatından - kristal mikrofondan imtina edib.

Publika.az xəbər verir ki, sənətçi bu barədə "Instagram" hesabında paylaşım edib.

"Bu yarışma ilə əlaqəli icmaya sonsuz minnətdar olsam da, bu gün artıq bu kubokun mənim rəfimdə olduğuna inanmıram", - deyə o yazıb.

Musiqiçinin sözlərinə görə, müstəqil beynəlxalq BMT komissiyasının ölkənin soyqırım törətdiyini müəyyən etməsinə baxmayaraq, yəhudi dövlətinin müsabiqədə iştirakı müsabiqənin "birlik, inklüzivlik və hamı üçün ləyaqət" ideallarına ziddir.

Dekabrın 4-də Avropa Yayım Birliyi (EBU) İsrailin Avroviziya Mahnı Müsabiqəsində iştirak etmək hüququ qazanacağını elan edib. Qərar təşkilatın Cenevrədə keçirilən Baş Assambleyasında keçirilən səsvermədən sonra qəbul edildi.

Bunun ardınca İspaniya, İrlandiya, Hollandiya və Sloveniya "Eurovision"dan çıxıb. İslandiya da oxşar etirazını bildirib.

70-ci Avroviziya Mahnı Müsabiqəsinin Vyanada keçirilməsi planlaşdırılır. Avstriyanın paytaxtı tədbirə üçüncü dəfə ev sahibliyi edəcək. Tədbir 12-16 may 2026-cı il tarixlərində Vyana Stadthalle-də keçiriləcək.

Hüseyn İbadlı