Magazin2

Tom Kruz ilkə imza atmaqdan imtina etdi - Trampa görə

13 Dekabr 2025 07:35

Amerikalı aktyor Tom Kruz Beynəlxalq Kosmik Stansiyada film çəkməkdən imtina edib.

Publika.az xəbər verir ki, buna səbəb onun uzun illərdir formalaşdırdığı apolitik imicini qorumaqda qərarlı olmasıdır.

Belə ki, çəkilişlər üçün federal hökumət və NASA-dan xüsusi icazə tələb olunur və aktyor bu məsələ ilə bağlı Donald Trampa müraciət etməli olacaqdı. Ancaq ulduz şəxsi layihəsi üçün prinsipindən dönmək istəməyib.

Xatırladaq ki, hələ 2020-ci ildə Tom Kruzun rejissor Daq Laymanla birlikdə kosmosda film çəkməyi planlaşdırdığı məlum olmuşdu. Aktyor Beynəlxalq Kosmik Stansiya yollanmalı, hətta çəkiliş zamanı açıq kosmosa çıxmalı idi. Pandemiya səbəbindən Tomun 2021-ci ilin oktyabrına nəzərdə tutulmuş uçuşu və filmin çəkiliş prosesi təxirə salınıb.

Hər şey plana uyğun getsəydi, Tom Kruz açıq kosmosa çıxan ilk mülki şəxs və aktyor olacaqdı.