Magazin2

Kirkorov tədbirə lavaşdan paltar geyindi - VİDEO

15 Dekabr 2025 17:07

Yaradıcılıq təcrübələri ilə hər dəfə insanları təəccübləndirməyi bacaran rusiyalı müğənni Filip Kirkorov yeni performans nümayiş etdirib. Bu dəfə o, Şurikin macəralarından bəhs edən filmdə Azərbaycanın milli qida məmulatı olan lavaş kimi geyinib.

Publika.az xəbər verir ki, bu barədə Rusiya mətbuatı yazıb.

Məlum olub ki, sənətçi filmin təqdimatına da həmin geyimdə qatılıb. Lakin bir çox izləyici bunun sadəcə bir geyim olduğunu belə bilməyib.

Çünki Kirkorov sosial tədbirlərdə tez-tez qeyri-adi və müxtəlif geyimlərdə görünür. Bu səbəbdən sözügedən geyim də izləyicilərə adi bir kostyum kimi təsir bağışlayıb. Halbuki o, “Kitabi Dədə Qorqud” dastanında “Bozlamac” adı ilə tanınan lavaşı xatırladan xüsusi dizaynlı paltar idi.

Adəm