Məşhur bəstəkar vəfat etdi - FOTO

Sovet və rus bəstəkarı, Rusiya Federasiyasının əməkdar incəsənət xadimi Gennadi Belov 86 yaşında vəfat etdi.

Publika.az xəbər verir ki, bu barədə Kino-teatr.ru məlumat yayıb.

Dərc olunmuş məlumatlara görə, bəstəkar 19 dekabrda vəfat edib. Onun ölümünün səbəbləri açıqlanmayıb.

Gennadi Belov 1939-cu ildə anadan olub. 1961-ci ildə təhsilini Leninqrad Konservatoriyasında (indiki N. A. Rimski-Korsakov adına Sankt-Peterburq Dövlət Konservatoriyası) başa vurub və orada V. N. Salmanovdan bəstəkarlıq üzrə təhsil alıb. 1964-cü ildə musiqiçi D. D. Şostakoviçin rəhbərliyi altında aspirantura təhsilini başa vurub. 1966-cı ildən Leninqrad Konservatoriyasında polifoniyadan dərs deyib, daha sonra Musiqi Formaları və Janrları Nəzəriyyəsi və Tarixi kafedrasında professor və incəsənət tarixi üzrə doktorluq dərəcəsi alıb. Onun yaradıcılıq irsinə operalar, orkestr, xor və kamera əsərləri daxildir. Belov bir neçə beynəlxalq bəstəkarlıq müsabiqəsinin laureatı olub.

Hüseyn İbadlı