Magazin2

Məşhur aktyor tanınmaz halda - FOTOLAR

6 Yanvar 2026 13:12

Bir vaxtlar Hollivudun ən məşhur simalarından biri olan amerikalı aktyor Mikki Rurkun son halı sosial şəbəkələrdə geniş müzakirələrə səbəb olub.

Publika.az xəbər verir ki, uzun müddətdir gözlərdən uzaq yaşayan 73 yaşlı aktyor Los-Ancelesdəki evinin qarşısında paparatsilər tərəfindən görüntülənib.

Kameralara olduqca baxımsız və yorğun halda düşən Rurkun görünüşü pərəstişkarlarını həm təəccübləndirib, həm də kədərləndirib.

Məlumata görə, aktyor bir müddətdir ciddi maliyyə problemləri ilə üzləşir. Dekabrın 18-də Rurkun kirayədə yaşadığı evlə bağlı rəsmi xəbərdarlıq göndərilib. Sənədə görə, aktyordan üç gün ərzində ya borcu ödəməsi, ya da evi boşaltması tələb olunub. Lakin onun bu xəbərdarlığa əməl etmədiyi bildirilir.

Məhkəmə sənədlərinə görə, 73 yaşlı aktyorun ev sahibinə 59 min 100 dollar kirayə borcu var. Ev sahibi yalnız borcun ödənilməsini deyil, həmçinin hüquqi xərclərin və mümkün təzminatın da qarşılanmasını tələb edir.