Magazin2

Məşhur müğənni hakim qarşısına çıxdı - FOTO

9 Yanvar 2026 14:58

Türkiyəli müğənni Mabel Matiz "Perperişan" mahnısı ilə bağlı başlanan istintaq çərçivəsində hakim qarşısına çıxıb.

Publika.az xəbər verir ki, ölkənin Ailə və Sosial Xidmətlər Nazirliyi məzmununa görə mahnıya giriş qadağası tələb edib.

İddiaya görə, mahnının məzmunu ailə dəyərlərinə zərər verə, yeniyetmə və gənclərin əqli inkişafına mənfi təsir göstərə və ictimai narazılıq yarada bilər.

Lakin müğənni məhkəmə qarşısında sözügedən ittihamları rədd edib.

“Sosial mediada iddia edildiyi kimi, mahnının yazılmasında fərqli və ya mənfi məna yoxdur. Mən bu məsələyə son dərəcə həssasam və bədii mövqeyim aydındır. Uşaqlar və gənclər həmişə mənim üçün xüsusi bir mövzudur, buna görə də bu məsələdə son dərəcə diqqətliyəm. Mənə qarşı irəli sürülən iddiaları qətiyyən qəbul etmirəm”, - Mabel Matiz qeyd edib.

Məhkəmə mahnının məzmunu ilə bağlı nazirliyin hesabatını gözləyərək, dinləməni martın 27-nə təxirə salıb.

Roza