Məşhur teleaparıcıya təcavüz edilib? - “İllər boyu özümü günahlandırdım”

Məşhur britaniyalı teleaparıcı Eşli Ceyms gənclik illərində üzləşdiyi zorlama hadisəsi barədə danışıb.

Publika.az xəbər verir ki, bu barədə "The Mirror" qəzeti "This Morning" şousunun aparıcısının sözlərindən sitat gətirib.

Ceyms hadisənin tələbəlik illərində baş verdiyini bildirib, lakin hücum edən şəxsin kimliyini açıqlamayıb.

"Bəli, mən sərxoş idim, bəli, mən bəzəkli geyimdə idim. Amma bu, mənim günahım deyildi", - deyə o qeyd edib.

Məşhur aparıcı cəmiyyətdə və mədəniyyətdə qurbanları günahlandırma meylinin olmasından təəssüfləndiyini bildirib:

"Biz kişilərə zorlamamağı öyrətmək əvəzinə, qadınlara zorlanmamağın yollarını öyrədirik. Kişilər bizə təcavüz etməyi dayandıra bilərlər".

İki övlad anası olan aparıcı hücumla bağlı polisə şikayət etmədiyini də əlavə edib:

"Polisin mənə inanmayacağını düşündüyüm üçün deyil, sadəcə bu insan qaranlıq küçədəki bir yad adam deyildi. O, mənim dostum idi. Buna görə də illər boyu yalnız özümü günahlandırdım. Hətta indi də onu zorakı kimi düşünmək mənə çətindir".

Hüseyn İbadlı