Magazin2

Əfsanəvi qrupun gitaristi vəfat etdi

14 Mart 2026 22:48

Britaniyanın əfsanəvi hevi-metal qrupu "Motörhead"in gitaraçısı Filip Kempbell cümə günü 64 yaşında vəfat edib.

Publika.az xəbər verir ki, bu barədə onu qrupu olan “Phil Campbell and the Bastard Sons” sosial mediada məlumat paylaşıb.

Qeyd olunub ki, o, mürəkkəb əməliyyatdan sonra uzun müddət cəsarətlə həyat uğrunda mübarizə aparıb.

Kempbell 1984-cü ildə "Motörhead" qrupuna qoşulub və 2015-ci ildə əfsanəvi kollektiv dağılana qədər onun tərkibində qalıb.

Qrup 1975-ci ildə yaradılıb və populyarlığının zirvəsinə 1980-ci illərin əvvəllərində çatıb. "Motörhead"in dəyişməz lideri vokalçı və bas-gitaraçı İan Freyzer "Lemmi" Kilmister olub. Qrupun 1980-ci ildə işıq üzü görən "Ace of Spades" albomu ən uğurlu layihəsi hesab olunur və uzun müddətdir ki, ağır rok pərəstişkarları tərəfindən bu musiqi istiqamətində janrın klassikası kimi qəbul edilir.

Hüseyn İbadlı