Aktrisadan gələn qoxu "Yeraltı"nın çəkilişlərini dayandırdı: Saçını yuması tələb olundu

Türkiyədə yayımlanan "Yeraltı" serialında "Ceylan" obrazını canlandıran aktrisa Devrim Özkanla bağlı şok iddia yayılıb.

Publika.az xəbər verir ki, jurnalist Akif Yamanın sözlərinə görə, serialın çəkilişləri Özkanın saçından gələn qoxu səbəbindən dayandırılıb.

İddialara görə, rejissorlar çəkilişi dayandıraraq bitki mənşəli yağlardan istifadə etdiyi üçün saçı qoxan aktrisadan saçlarını yumasını istəyiblər.

Özkan məsələ ilə bağlı açıqlama verərək məhkəmə prosesi başladacağını açıqlayıb. O, iddiaların onun nüfuzuna xələl gətirmək və böhtan məqsədi daşıdığını bildirib:

"Məni hədəf alan və heç bir etik dəyərə uyğun olmayan əsassız iddialarla bağlı bu açıqlamanı verməyə məcburam. İllərdir sistemli şəkildə nüfuzuma xələl gətirməyi vərdiş halına gətirən bu şəxs tamamilə uydurma bir ssenarini təqdim edərək jurnalistika prinsiplərini bir daha tapdalayıb. Bu hərəkətləri nə mətbuat azadlığı, nə də insanlıqla izah etmək olar. Bu günə qədər toplanmış bütün yalan xəbərlər və bugünkü son çirkin iddia ilə bağlı qanuni olaraq hesablaşacağam”.

Müəllif: Roza