55 yaşlı teleaparıcı alt paltarında belə rəqs etdi - VİDEO

Amerikalı teleaparıcı və iş qadını Betenni Frankel özünün "Instagram" hesabında paylaşdığı video ilə izləyicilərinin diqqətini çəkib.

Publika.az xəbər verir ki, 55 yaşlı məşhur paylaşdığı videoda şalvarsız, yalnız boz rəngli qısa hudi (kapüşonlu jaket) və mavi rəngli alt paltarında rəqs edib. Onun görünüşünü böyük gün eynəyi tamamlayıb.

Sözügedən paylaşım 29 mindən çox bəyənmə toplayıb və geniş müzakirələrə səbəb olub. Bir qrup izləyici teleaparıcının bu addımını vulqar adlandıraraq tənqid edib. Onlar "Bu həqiqətən lazım idi?", "55 yaşın var, alt paltarında bu hərəkətlərə nə ehtiyac var?", "Bu məndə ikrah hissi doğurur" və "Sənin artıq 20 yaşın yoxdur" kimi şərhlər yazıblar.

Bununla belə, teleaparıcını müdafiə edən pərəstişkarları da az olmayıb. Onlar Frankelin fit bədən quruluşuna heyran qaldıqlarını bildirərək, "Sən möhtəşəm görünürsən", "Elə bil geriyə doğru qocalırsan", "Şıq bədən quruluşun var" və "Bu qadının özünə və bədəninə həsəd aparıram" kimi rəylərlə ona dəstək veriblər.

Hüseyn İbadlı