Magazin2

Məşhur aparıcı 10 hektar torpaq aldı: Görün nə işlə məşğul olacaq - FOTO

1 İyun 2026 17:17

Rusiyalı aktrisa və teleaparıcı Evelina Bledans Krımda 10 hektar torpaq sahəsi alaraq fermerlik fəaliyyətinə başlayıb.

Publika.az xəbər verir ki, bu barədə o, NTV kanalında yayımlanan "Ulduzlar görüşdü" verilişində danışıb.

"Fermer təsərrüfatım artıq qeydiyyatdan keçib. İki hektar şaftalı bağı, iki hektar da çox dadlı süfrə üzümü sahəm var. İndi torpağa, kənd təsərrüfatına üz tuturam", - deyə Bledans bildirib.

Onun sözlərinə görə, Krıma çatmaq düşündüyündən daha asandır.

Aktrisa yay mövsümünün böyük hissəsini həmin ərazidə keçirməyi planlaşdırır. O qeyd edib ki, torpaq üçün götürdüyü ödəniş öhdəliklərini hələ tam bağlamadığından ərazidə ev tikməyib.

Bledans gələcəkdə şirniyyat istehsalına da başlamaq niyyətində olduğunu söyləyib.

"150 kilovat elektrik xətti çəkdirmişəm. Öz nümunəmlə göstərəcəyəm ki, torpaqla necə işləyirəm və bunun sayəsində daha gözəl, daha fit oluram", - deyə teleaparıcı əlavə edib.

Adəm