Magazin2

Məşhur reper Taylandda itkin düşdü - Onu sonuncu dəfə...

20 İyun 2026 20:00

“Kıslo-Sladkiy” təxəllüsü ilə çıxış edən qazaxıstanlı reper Darxan Jumabek Taylandda bir aydan çoxdur ki, yoxa çıxıb.

Publika.az “Baza” Telegram kanalına istinadla xəbər verir ki, 27 yaşlı musiqiçinin taleyi hələlik naməlum olaraq qalır.

27 yaşlı Jumabek dostu ilə birlikdə Pattayaya uçmuşdu və iyunun 20-nə planlaşdırılan musiqi klipinin çəkilişləri üçün Pxuketə getməli idi, lakin artist çəkiliş meydançasına gəlməyib. Komandasının sözlərinə görə, Jumabekin dostu, həmkarları və yaxınları onun hazırda harada olduğunu bilmirlər – musiqiçi mayın əvvəlindən əlaqə saxlamır.

Reperi sonuncu dəfə Pattayadakı çimərlik yaxınlığında görüblər. Müşahidə kameralarının görüntülərində Jumabekin qeyri-sabit yerişlə küçədə gəzdiyi və qapıları döydüyü əks olunub. Sosial şəbələrdə onun məqsədsiz gəzdiyi, çantasını yellədiyi və yerə oturduğu videolar da yayılıb. Hazırda axtarışlar dərhal iki şəhərdə davam etdirilir.

Hüseyn İbadlı