Prodüser Kanye Uesti məhkəməyə verdi - İki iddia var

Amerikalı repçi, "Ye" təxəllüsü ilə çıxış edən Kanye Uest məhkəməyə verilib.

Publika.az xəbər verir ki, bu barədə "TMZ" portalı adının açıqlanmasını istəməyən prodüserin məhkəmə iddiasına istinadən məlumat yayıb.

Prodüser bildirib ki, Kanye guya onu "Vultures 2" albomu üzərində sərt vaxt məhdudiyyəti şəraitində işləməyə məcbur edib, bundan sonra isə ona qonorar ödəməkdən imtina edib.

Müəllifin sözlərinə görə, o, albomun buraxılmasına iki gün qalmış işə cəlb olunub və albomdakı beş trekin yaradılmasında iştirak etməyə imkan tapıb. Prodüser həmçinin "Bully" albomundakı iki mahnı və heç vaxt yayımlanmayan digər bir neçə kompozisiya üzərində işlədiyini bildirib.

İddiaçı həmçinin Kanye Uestin musiqinin yaradılmasında iştirak edənlər arasında onun adını çəkmədiyini də qeyd edib.

İyun ayında Gürcüstandakı "Dinamo Arena" stadionunda Uestin konserti baş tutub. Repçi ölkədə ilk dəfə çıxış edib. Satışa çıxarıldıqdan sonra səkkiz saat ərzində 70 min bilet satılıb. Dünya ulduzunun çıxışı ilə əlaqədar Tbilisi hakimiyyəti metronun və bir sıra avtobus marşrutlarının iş qrafikini uzadıb.

Hüseyn İbadlı