Çılpaq fotoları ilə şantaj edilən məşhur: “Amansız ittihamlar məni məhv etdi” - FOTO

Kənardan baxdıqda kifayət qədər şanslı hesab ediləcək bir həyatı olmuşdu. Uşaq yaşlarında məşhurlaşmış, hazırda Hollivudun böyük ulduzları olan həmyaşıdları ilə birlikdə həmin dövrdə “Disney” layihələrində baş rollarda çəkilmiş və adını bütün dünyaya tanıtmışdı.

Lakin onun başına gələnlər əslində bu parlaq dünyanın heç də kənardan göründüyü kimi olmadığının sübutuna çevrildi.

Publika.az xəbər verir ki, “Disney”in keçmiş ulduzu Bella Torn çılpaq fotolarının yayılacağı ilə hədələnərək şantaja məruz qaldığı dəhşətli bir proses yaşayıb.

Üstəlik, başına gələnlər onun günahı olmadığı halda belə, amansız tənqidlərə məruz qalıb.

Məşhur ulduz bu amansız ittihamların onu “həqiqətən məhv etdiyini” deyərək, qatıldığı verilişdə yaşadıqlarını bütün səmimiyyəti ilə danışıb.

Bella Torn 2019-cu ildə bulud hesabını ələ keçirən hakerin çılpaq fotolarını yaymaq hədəsinə boyun əyməyərək, həmin fotoları şəxsən özünün “Twitter” (X) hesabında paylaşmış və bununla da şantajçını zərərsizləşdirmişdi.

Hadisə Federal Təhqiqatlar Bürosunun diqqətini cəlb etdikdən sonra işə müdaxilə edən hüquq-mühafizə orqanlarının əməkdaşları ilə də əməkdaşlıq edən Bella Torn həmin günlərdə dünya şou-biznes gündəminə çevrilən bu cəsarətli addımı ilə kibertəhdid yolu ilə şantaja qarşı mübarizənin simvoluna çevrilmişdi.

Hüseyn İbadlı