Yunanıstanda hamını çaşdıran görüntü: Seda Sayana zənn etdilər, görün kim çıxdı - FOTO

Yunanıstanın Samos adasında kosmetika mağazasının vitrinindəki reklam afişəsi türkiyəli turistin diqqətini çəkib. Afişadakı qadının müğənni və aparıcı Seda Sayana bənzəməsi sosial mediada viral olub.

Publika.az xəbər verir ki, adada istirahət edən türk turist vitrin qarşısında gördüyü görüntünü telefonla çəkərək Seda Sayana səslənib:

“Seda abla, Yunanıstandayıq. Samos adasında bir yerə gəlmişik. Vitrində səni gördüm zənn etdim. Səni də oğurlayıblar, abla!”

Videoda afişadakı şəxsin Seda Sayana nə qədər bənzədiyini vurğulayan turistin sözləri sosial şəbəkə istifadəçilərini güldürüb.

Sonradan afişadakı şəxsin Yunanıstanın məşhur aktrisa və aparıcısı Katerina Kainourgiou olduğu məlum olub. Reklamın isə onun əməkdaşlıq etdiyi kosmetika brendinə aid olduğu bildirilib.

Diqqətçəkən məqam Kainourgiounun üz cizgiləri ilə yanaşı, pozasının da Seda Sayanın məşhur duruşuna bənzəməsi olub.

Viral videoya Seda Sayan da münasibət bildirib. O, paylaşımın altına “Aaa, haradır ora?” şərhini yazıb.

Sosial şəbəkə istifadəçiləri isə hadisə ilə bağlı müxtəlif yumoristik şərhlər yazıblar.

Publika.az