71 yaşlı məşhur 4-cü dəfə evləndi: Yaş fərqi gündəm oldu - FOTO

Türkiyənin tanınmış aktyoru və müğənnisi Yunus Bülbül 71 yaşında dördüncü dəfə nikah masasına oturub.

Publika.az xəbər verir ki, “Bücür Cadı” serialında “Köfteci Abbas” obrazı ilə geniş tamaşaçı auditoriyasına tanınan sənətçi uzun fasilədən sonra şəxsi həyatı ilə gündəmə gəlib.

Yunus Bülbül Neslihan Mutlu ilə ailə həyatı qurub. Cütlüyün nikah mərasimi İstanbulun Kadıköy Nikah İdarəsində baş tutub.

Bülbül nikah mərasimindən görüntüləri sosial media hesabında paylaşaraq həyat yoldaşı ilə bağlı xoş sözlər yazıb:

“Çox sevdiyim Neslihan xanımla Kadıköy Nikah İdarəsində, çox şükür, imzamızı atdıq. Allah bizə sağlam, xoşbəxtlik dolu bir həyat nəsib etsin”.

Məlumata görə, Bülbülün həyat yoldaşı da sənətçidir.

Cütlüyün nikah xəbəri sosial mediada geniş müzakirə olunub. Eyni zamanda, Neslihan Mutlunun 38 yaşında olduğu iddiası ortaya çıxıb. Bu halda cütlük arasında 33 yaş fərqinin olduğu bildirilir.

Qeyd edək ki, Yunus Bülbül bu nikahla dördüncü dəfə ailə həyatı qurub.

Publika.az