Canseverin illərlə gizlətdiyi sirr üzə çıxdı - Niyə indiyədək evlənməyib?

Xərçəng xəstəliyindən müalicə aldığı xəstəxanada vəfat edən məşhur müğənni Canseverin şəxsi həyatı ilə bağlı illərdir gizli qalan məqam üzə çıxıb.

Publika.az xəbər verir ki, Şimali Makedoniyada son mənzilə yola salınan sənətçinin ömrü boyu evlənməməsinin səbəbinin Almaniyada yaşadığı ağır xəyanət hadisəsi olduğu bildirilir.

Məlumata görə, Cansever illər əvvəl Almaniyada yaşadığı dövrdə bir şəxslə iki il münasibətdə olub. Sənətçi həmin şəxsi həyatında etibar etdiyi, dərdlərini bölüşdüyü insan kimi görüb.

Lakin iki il sonra acı həqiqətlə üzləşib. Birlikdə olduğu şəxsin əslində evli olduğu ortaya çıxıb.

Yaşadığı xəyanətdən sonra Canseverin sevgiyə və insanlara olan inamının ciddi şəkildə sarsıldığı, bundan sonra isə evlənməmək qərarına gəldiyi qeyd olunur.

Milyonlarla insanı səsi ilə duyğulandıran sənətçinin şəxsi həyatında yaşadığı bu hadisənin onun ömrünün sonuna qədər daşıdığı ən böyük yaralardan biri olduğu bildirilir. Beləliklə, Cansever heç vaxt ailə həyatı qurmayıb və övladı yoxdur.

Publika.az