74 yaşlı Bülənt Ərsoyun estetikdən sonrakı görünüşü gündəm oldu - FOTO

Türkiyəli məşhur müğənni Bülənt Ərsoy 74 yaşında estetik əməliyyat keçirib və prosedurdan sonra yeni görünüşünü sosial media hesabında paylaşıb.

Publika.az xəbər verir ki, sənətçiyə üz nahiyəsində “lolita lift”, orta üz gərmə və alın gərmə prosedurları tətbiq olunub.

Ərsoy daha əvvəl uzun illər estetik müdaxilədən uzaq olduğunu və hətta botoks belə etdirmədiyini bildirib.

Sənətçi qərarını “ulduzların yaşı yoxdur” sözləri ilə izah edib:

“Əziz izləyicilərim, biz ulduzların yaşı yoxdur, yaşı olmayan insanlarıq. Lakin yaşlanmağın da bir reallıq olduğunu qəbul etmək lazımdır... İllərdir estetik deyəndə bu mövzu mənə çox uzaq idi. Bəlkə də inanmayacaqsınız, amma ən sadə prosedur olan botoksu belə uzun illərdir etdirməmişdim. Özümü həkimimə etibar etdim. Aldığım nəticənin uğurunu və sevincini sizinlə bölüşürəm”.

Onun yeni görüntüsü sosial şəbəkələrdə geniş müzakirə olunub. Bəzi izləyicilər Ərsoyun daha gənc göründüyünü yazıb, digərləri isə onu tanımaqda çətinlik çəkdiklərini bildiriblər.