Maraq dünyası

Türkiyə 1 ay sonra hər kəsi öldürən sirli “CƏHƏNNƏM QAPISI”NI AÇIR - - FOTO

29 İyul 2018 23:17

YUNESKO-nun Dünya Mədəni İrsi Siyahısına daxil olan Pamukkale Hierapolis Antik şəhərində (Müqəddəs şəhər”) 2013-cü ildə gün üzünə çıxarılan və antik mənbələrdə “ölülər ölkəsinə keçid qapısı” adlandırılan “Plutonium” (“cəhənnəm qapısı”) sentyabrda ziyarətə açılacaq.

Publika.az Türkiyə KİV-inə istinadən xəbər verir ki, araşdırmalardan sonra sirri açılan “cəhənnəm qapısı”nda bərpa işləri son mərhələyə gəlib.

Eramızdan əvvəl 2-ci əsrdə Bərqama kralı Eumenes tərəfindən tikilən Hierapolisdə italyan arxeoloqlar tərəfindən 1957-ci ildə başladılan qazıntılar nəticəsində bir çox əhəmiyyətli tarixi abidə siyahıya alınaraq ziyarətçilərin üzünə açılıb.

Antik coğrafiyaçı Strabonun verdiyi məlumata görə, Hierapolisdəki termal suların mənbəyi olan mağaradan çıxan qaz oraya yaxınlaşan canlıları öldürürdü. Buna görə də mağara mifologiyada yeraltı dünyanın hökmdarı hesab olunan Plutonun “cəhənnəm qapısı” olaraq qəbul edilir.