Xəbərdarlıq: Onlar hamımızı öldürə bilər, qlobal tənzimləmə lazımdır

Mütəxəssislər qabaqcıl süni intellektin hamını öldürə biləcəyini hesab edir.

Publika.az xəbər verir ki, Oksford Universitetinin tədqiqatçıları şirkətlərin insanları məhv edə biləcək nəzarətsiz sistemlər yaratmasının qarşısını almaq üçün qlobal tənzimləmə tələb edirlər.

Onlar süni intellektin nə vaxtsa liderlik, mentorluq və ya inandırma ilə əlaqəli yaradıcı sahələri əvəz etməsi ehtimalının az olduğunu düşünür.

Oksford Universitetinin maşın öyrənməsi üzrə professoru Maykl Osborn ümid edir ki, dünya ölkələri qabaqcıl süni intellektdən yaranan “ekzistensial təhlükəni” tanıyacaq və təhlükəli sistemlərin inkişafının qarşısını alacaq müqavilələr bağlamaq üçün birləşəcək.

"Əgər inkişaf etmiş süni intellektin nüvə silahları qədər təhlükəli olduğunu başa düşə bilsək, bəlkə də onu idarə etmək üçün oxşar əsasa gələ bilərdik", - deyə professor qeyd edir.

O da bildirilir ki, avtomobillərin sürücüsüz idarə edilməsində süni intellekt gözlənilən effekti verməsə də, digərlərində, məsələn, mətn yaratmada hər kəsin gözlədiyindən qat-qat artıq irəliləyiş nəzərə çarpır.

Mehti Kamiloğlu