15 il sonra ödənən hesab: yeyib-içib qaçmışdı

İtaliyada fəaliyət göstərən barladan birinin müştərisi etdiyi sifarişin hesabını nə az, nə çox düz 15 il sonra ödəyib.

Publika.az xəbər verir ki, 2008-ci ildə bir kişi öz dostları ilə İtaliyanın Trento şəhərindəki Simposio barına gəlib. Onlar yeyib-içdikdən sonra, hesabı ödəmədən qaçıblar.

“15 il əvvəl şənbə gecəsi bura gəldim və dostlarımla bir neçə stəkan şərab içdim. Zarafat kimi pulu vermədən qaçdıq. Buna görə də o gündən bəri barınıza ayaq basmadım”, - deyə həmin müştəri bar sahibi Andrea Bosizioya ünvanladığı məktubunda belə yazıb.

Məktubun müəllifi müəssisənin sahibindən üzr istəyib və zərfin içərisinə 30 avro qoyub. Bu məbləğin 2008-ci ildə ödəməli olduğu məbləğdən dörd dəfə çox olduğunu qeyd edib.

“Üzrümü qəbul edib-etməməyinizə qərar verməyi sizə buraxıram. Yenə görüşəcəyik, çünki indi başımı qaldırıb çox rahatlıqla bara qayıdacağam”, - deyə məktub sahibi yazıb.

Bar sahibi Bosizio isə öz növbəsində bu hadisəni 18 illik iş fəaliyyətində ən yadda qalan xatirə adlandırıb. Məktubun yazılması ona olduqca yaxşı təsr bağışlayıb və özünün də dediyi kimi indi o qarşısında 2 qədəh şərab məktub müəllifinin yolunu gözləyir.

Cəmilə