Maraq dünyası

Balıqçının toruna düşən canlı görənləri heyrətləndirdi: 10 minə satıldı - FOTO

11 Noyabr 2023 15:32

Türkiyənin Muğla şəhərində balıqçıların toruna 120 kiloqram çəkisi olan nəhəng vatoz balığı düşüb.

Publika.az "Haber Globol"a istinadən xəbər verir ki, balıq rayon bazarındakı dükanda satılıb.

Balığı görən vətəndaşlar bir müddət təəccüblərini gizlədə bilməyiblər. Balıqçı bildirib ki, balıq ovlanandan dərhal sonra satılıb:

"Balığı Yaponiyaya göndərməyi düşünürdük. Ancaq burada 10 min lirəyə əcnəbi qadın aldı"- deyə balıqçı qeyd edib.

Xatırladaq ki, vatozların digər balıqlardan ən əhəmiyyətli fərqləri onların düz bədənləri, çox uzun və nazik quyruqları, kəpənək qanadlarına bənzəyən iri üzgəcləridir. Ağızları və qəlpələri isə bədənlərinin altında yerləşir.

Gözlərinin arxasında xüsusi olaraq inkişaf etdirilən dəliklər sayəsində nəfəs alırlar. Su həmin dəliklərdən daxil olur və bədənin altında yerləşən qəlpələrdən çıxır.