Maraq dünyası

Çox gülürsünüz? - Ehtiyatlı olun, risk böyükdür

14 Noyabr 2023 16:36

Müsbət emosiyalar ömrü uzadır və kədərlənib ağlamaqdansa, gülüb-sevinmək daha yaxşıdır. Adətən belə düşünürük. Amma məlum olub ki, güclü gülüş sağlamlığımız üçün xoşagəlməz nəticələrə də səbəb ola bilər: Siz huşunuzu itirə və ya səs tellərizi zədələyə bilərsiniz.

Publika.az xəbər verir ki, amerikalı kardioloq Todd Koen belə bir qənaətə gəlib.

Mütəxəssisin sözlərinə görə, güclü gülüş zamanı diafraqma, qabırğaarası və onurğalararası əzələlər yığılır. Nəticədə, sinə təzyiqi artır, bu da öz növbəsində vagus sinirini stimullaşdırır. Beləliklə, həddindən artıq stimullaşdırma başgicəllənmə və şüur itkisinə səbəb ola bilər.

Bundan əlavə, gülüş səs tellərinin spazmına və ya başqa sözlə, boğulmalara gətirib çıxarır. Təki həmişə gülün, amma ehtiyatla.

Cəmilə