Pasportunu yandıran muğənni saxlanılıdı

Rusiya pasportunu yandıran müğənni Eduard Şarlotta uzun müddətdir ki, axtarışda olub.

Publika.az xəbər verir ki, Rusiyaya qayıdan kimi o, dərhal hüquq-mühafizə orqanları tərəfindən saxlanılıb və Sankt-Peterburqun Zaxaryevskaya küçəsindəki xüsusi təcridxanaya göndərilib. Mash Telegram kanalının məlumatına əsasən musiqiçi iki həftə həbsdə qalacaq.

Müğənniyə qarşı Rusiya Federasiyası İnzibati Xətalar Məcəlləsinin 9.16-cı “Vətəndaşın şəxsiyyətini təsdiq edən sənədə qəsdən zərər vurma”, 20.3.3-cü “RF Silahlı Qüvvələrinin istifadəsini gözdən salmağa yönəlmiş ictimai hərəkətlər” və 20.1-ci maddələri ilə bir neçə inzibati iş açılıb.

Mənbənin sözlərinə görə, inzibati həbs müddəti başa çatdıqdan sonra Şarlotta qarşı cinayət işi qaldırıla bilər. Belə getsə, o, təkrar həbs olunacaq. Daha sonra onun barəsində istintaq təcridxanasında həbs qətimkan tədbiri seçiləcək. Kanal qeyd edib ki, Şarlotta yalnız bir inzibati cinayət törətdiyinə görə xüsusi təcridxanadadır.

Qeyd edək ki, cəzaçəkmə müəssisəsində kamera qarşısında musiqiçi pasportu yandırdığına görə üzr istəyib və “bir daha bunu etməyəcəyini” deyib.

Cəmilə