Marsda qəribə parıltı aşkar edildi: Qırmızı planetlə bağlı mif dəyişir

Belçikanın Liej Universitetinin alimləri elektromaqnit spektrinin görünən hissəsində Mars atmosferinin yaşıl parıltısını aşkar etmək üçün ilk dəfə NOMAD spektrometrindən istifadə ediblər.

Publika.az xəbər verir ki, bu haqda elmi məqalə “Nature Astronomy” jurnalında dərc olunub.

Tədqiqatçılar qeyd ediblər ki, bu kəşf qırmızı planetin qaz mantiyası haqqında anlayışı dəyişə bilər. Parıltı avroraya bənzəyir, lakin Marsın atmosferi nazikdir və qlobal maqnit sahəsi yoxdur. Əsərin müəlliflərinin fikrincə, parıltı planetin qaz təbəqəsinin yuxarı qatında toqquşaraq fotonlar buraxan oksigen atomlarının rekombinasiyasının nəticəsidir.

İşin müəllifləri gələcəkdə planetin atmosferinin yuxarı təbəqələrində oksigenin paylanması və sıxlığı, eləcə də onun günəş enerjisi ilə qarşılıqlı əlaqəsinin xarakteri haqqında yeni məlumatlar əldə etməyi planlaşdırırlar. Bu, Marsa gələcək insan missiyaları üçün qırmızı planetin atmosferinin daha dəqiq modelini yaratmağa kömək edəcək.

Tural