Nazarbayevin Asel sevgisi: eks-prezidentdən şok etiraf

Qazaxıstanın birinci prezidenti Nursultan Nazarbayev “Mənim həyatım” adlı xatirələr kitabında ikinci ailəsi olduğunu bildirib.

Publika.az xəbər verir ki, bu barədə Qazaxıstanın "Orda.kz" portalı yazıb.

Nəşrdə Qazaxstanın birinci prezidentinin həyatının siyasi və şəxsi tərəflərinə toxunulur. “Mənim həyatım”ın ayrıca fəsilləri 2019-cu ildə ölkədə hakimiyyətin tranzitinə həsr olunub və orada Qazaxıstanın hazırkı prezidenti Kasım-Jomart Tokayevdən də bəhs olunur.

“Mənim həyatım adlı “xatirələr toplusunda ilk dəfə Nazarbayev ikinci ailəsinin olduğunu etiraf edib. Çox sevdiyi xanımı Asel İsabayeva və iki oğlu ilə bağlı səmimi fikirlərini bölüşüb:

“Müsəlman adətinə görə evləndik. Asel mənə iki övlad verdi - iki şanlı oğul. 2005-ci ildə Tauman, 2008-ci ildə isə Bayken anadan olub”, - portal kitabdan sitat gətirir.

Kitab tezliklə satışa çıxarılacaq, lakin ilk nüsxələri siyasətçilər, ekspertlər və jurnalistlər artıq əldə edib.

Qeyd edək ki, eks-prezidentin 1962-ci ildə ailə qurduğu ilk həyat yoldaşı Sara Nazarbayevanın Nursultan Nazarbayevin ikinci arvadı və uşaqları haqqında xəbəri olub.

Cəmilə