Sistemi söndürün, onlar insanlara nəzarət edəcəklər: Məşhur iş adamından şok xəbərdarlıq

Britaniyanın mikroprosessor istehsalçısı “Arm Holdings” şirkətinin rəhbəri Rene Haas süni intellektin inkişafı kontekstində əsas qorxusunun onun insan üzərində nəzarəti ələ keçirə bilməsi olduğunu bildirib. O, “sistemi söndürməyin” yolunu axtarmağa çağırıb.

Publika.az xəbər verir ki, Rene Haas bu barədə “Bloomberg”ə müsahibəsində bildirib.

“Yaxın gələcəkdə insanlar süni intellektin sürətli inkişaf tempini nəzərə alaraq onu idarə etmək qabiliyyətini itirə bilərlər. Mənim narahatlığım odur ki, insanlar idarəetməni itirirlər (maşınlarla müqayisədə). Biz bir növ üstələmə düyməsini, arxa qapını, sistemi söndürmək üçün bir yol tapmalıyıq", - Haas deyib.

Eyni zamanda o vurğulayıb ki, yaxın illərdə “Arm Holdings” yarımkeçiricilərinin geniş yayıldığı smartfonlar məkanında olduğu kimi generativ süni intellekt inqilabında da əsas oyunçuya çevriləcək. "Dəyişikliklər yaxın beş-on il ərzində baş verəcək", - şirkət rəhbəri deyib.

Bundan əvvəl “Tesla” və “SpaceX”-in yaradıcısı İlon Mask hökumətin nəzarəti olmadan sürətlə inkişaf edən süni intellektin “cəmiyyət üçün təhlükə” və bəşəriyyətin gələcəyi üçün real təhlükə yarada biləcəyinə inanaraq, hakimiyyəti süni intellektin istifadəsini tənzimləməyə çağırmışdı.

“Microsoft”un həmtəsisçisi Bill Qeyts əvvəllər oxşar riskləri müzakirə etmişdi. O qeyd edib ki, bu texnologiyanın geniş tətbiqi əmək bazarı, hüquq sistemi, qərəzlilik problemi və digər aspektlərlə bağlı çoxlu çətin suallar doğurur.

Tural