İtlər donmuş sahiblərini əhatəyə alıb onu isitmək istədi: bir həftə ac-susuz
Bizi izləyin

Maraq dünyası

İtlər donmuş sahiblərini əhatəyə alıb onu isitmək istədi: bir həftə ac-susuz

İtlər donmuş sahiblərini əhatəyə alıb onu isitmək istədi: bir həftə ac-susuz

Sverdlovsk vilayətində təqaüdçünün meyiti düz bir həftə evdə qalıb. Dünyasını dəyişən şəxsin evində altı itindən başqa heç kim olmayıb.

Publika.az xəbər verir ki, bu barədə "ura.ru" Heyvanları Mühafizə Fonduna istinadən xəbər yayıb.

İstilik sistemi olmayan və qazı kəsilən qadın öz evində soyuqdan donaraq ölüb. İtlər evdə yemək olmamasına baxmayaraq, sahibini isitməyə çalışıblar. Xeyli vaxt evdə ac qalan itlərin özləri də çox arıqlayıb. Xilasetmə işlərini aparan şəxslər belə deyib.

Hazırda itlər könüllülərin himayəsindədir. Onların sözlərinə görə, itlər insanlara qarşı aqressiv davranırlar. "Görünür, bu onların yaşadığı hadisə ilə bağlıdır".

Qeyd edək ki, buna bənzər digər bir hadisə bu yaxınlarda Kamçatkada baş vermişdi. Belə ki, itlər balıqçılıq və ovçuluq bazasının mühafizəçisini qəzəbli ayıdan xilas ediblər. Heyvan kişinin ayağını dişləyib, bundan sonra itlər yırtıcını qovub. Gözətçi xəstəxanaya yerləşdirilərək müalicə olunub.

Cəmilə

Oxumağa davam et
Reklam
Reklam

Gündəm

Zəfaran Hospital
Səba