Maraq dünyası

2000 illik əl tapıldı: Üzərində sirli simvol var - FOTO

22 Fevral 2024 17:18

Tədqiqatçılar İspaniyanın şimalında son dərəcə maraqlı kəşf ediblər. Dəmir dövründən təxminən 2000 il əvvələ aid üzərində qəribə simvol həkk olunmuş tunc əl tapılıb.

Publika.az xəbər verir ki, araşdırmada əl şəklindəki əşyanın üzərinə həkk edilən epiqraf sonradan bask dilinə çevrilmiş qədim “paleohispan” dilləri ilə əlaqələndirilir.

Əlin hazırlandığı dövrdə bölgədə Vaskones adlı bir tayfanın yaşadığı vurğulanır. Bu tayfanın yazı nümunələrindən dövrümüzə çox az şey gəlib çıxıb.

Yazının istiqaməti, obyektdəki kiçik dəliyin yeri və aşkar edildiyi yerə görə onun mənzilin girişində asılmış ola biləcəyi ehtimal edilir.

Tədqiqatçıların fikrincə, əlin hansısa ritual və ya mədəni əhəmiyyətə malik olması da mümkündür.