Hər kəsin görmək istədiyi yer: "Cənnət Qapısı" - FOTO

Unikal mənzərələrdən və təbii gözəlliklərdən həzz almaq istəyənlər bu yerə üz tuturlar.

Publika.az xəbər verir ki, Çinin Hunan əyalətində yerləşən təbiət möcüzəsi sayılan Tianmen dağı "Cənnət Qapısı" kimi tanınır.

Sıldırım qayalara və bənzərsiz mənzərələrə ev sahibliyi edən bu dağ təbii gözəllikləri ilə bütün dünyada məşhurdur.

Hündürlüyü və gözoxşayan mənzərələri ilə ziyarətçiləri valeh edən bu unikal yer həm təbiətsevərlər, həm də kəşfiyyat həvəskarları üçün ən diqqətçəkən məkanlardan biridir.

Saysız-hesabsız turistə ev sahibliyi edən bu dağda fərqli macəralar yaşaya, yeni təcrübələr qazana bilərsiniz.

Dağın zirvəsinə çatmaq üçün uzun yol qət etmək lazımdır. Zirvəyə çıxmaq üçün 999 pilləkən qalxmalısınız.

Lakin çinlilər bura gələn ziyarətçilərin işini asanlaşdırmağı unutmayıblar.

Pilləkənləri qalxmaq istəməyənlər kanat sistemi ilə dağın zirvəsinə çıxa bilərlər. Uzunluğu 7 kilometr olan kanat yolu ilə getmək 30 dəqiqə çəkir. Uzun səyahətdən sonra 1400 metr yüksəklikdə möhtəşəm mənzərə sizi qarşılayacaq.

Gülnar