Maraq dünyası
60 gün yataraq 18 min avro qazanmaq şansı
![](https://publika.az/storage/2024/04/12/screenshot_3.jpg?v1722037967)
Almaniyada elmi araşdırma üçün 60 gün yataqda qalmağı qəbul edən şəxslər axtarılır.
Publika.az xəbər verir ki, Alman Aerokosmik Mərkəzi tərəfindən aparılacaq araşdırma, Aya və ya Marsa gələcək mümkün səfərlərə hazırlaşmaq məqsədi daşıyır.
Kölndə aparılacaq araşdırmada cazibə qüvvəsi olmayan bir mühitdə uzun müddətli səyahətin insan orqanizminə mənfi təsirləri araşdırılacaq.
Könüllülərin 60 gün yatacaqları çarpayının baş tərəfi 6 dərəcə əyilmiş vəziyyətdədir. Başqa sözlə, onlar ayaqları başlarından daha hündür vəziyyətdə yatacaq.
Araşdırmanın direktoru Edvin Molder bu vəziyyətdə bədəndəki mayelərin, demək olar ki, kosmosdakı astronavtlarla eyni formada yer dəyişdiyini bildirib:
"Qravitasiya olmadan bədənin yuxarı hissəsinə daha çox maye toplaşır. Hərəkətsizlikdən başda təzyiq artır, sümük və əzələlər zəifləyir, tarazlıq hissi pozulur və qan dövranı sistemi dəyişir".
O vurğulayıb ki, bədəndəki bu dəyişikliklər Aya və ya Marsa endikdən sonra astronavtlar üçün əhəmiyyətli bir problemdir və bütün missiyanı təhlükə altında qoya bilər.
Yataq araşdırmalarının 1980-ci illərdən bəri aparıldığı və bu günə qədər kosmos sahəsinə əhəmiyyətli töhfələr verdiyi bildirilib. Sentyabr ayında Kölndə başlaması planlaşdırılan araşdırmaya qatılacaq könüllülərə 18 min avro veriləcək.
Araşdırmanın direktoru bunun asan qazanılan pul olmadığını vurğulayıb: “İki ay fasiləsiz şəkildə bu vəziyyətdə qalmaq əsl sınaqdır”.
Qeyd edək ki, tədqiqat ümumilikdə 88 gün davam edəcək və bunun 60 günü yataqda keçəcək.
Könüllülər 24-55 yaş qrupunda olmalıdırlar. Onlardan 153-190 santimetr boya və 18-30 arasında bədən kütlə indeksinə (BMI) sahib olmaq tələb olunur.
Sağlam olmaq, siqaret çəkməmək və alman dilini yaxşı bilmək də tələb olunan keyfiyyətlər arasındadır.
Ləman
![Publika.az](https://publika.az/assets/main/image/logo-nav.png)
-
İdman03:19
Ailəsi ilə istirahət edir: məkanı gizli saxlayır - FOTOLAR
-
Sağlamlıq02:18
Bu tərəvəz kişiləri prostat xərçəngindən qoruyur - Uroloqdan tövsiyə
-
Magazin101:48
Ebru Gündeşdən boşanma iddialarına CAVAB - FOTO
-
İdman01:20
Məşq edərkən maşın vurdu: Paris-2024-ü buraxacaq
-
Qoroskop00:42
Günün qoroskopu: gəlirləriniz arta bilər
-
Nida Xəbər 00:27
Sərdar Cəlaloğlu namizədliyini geri götürdü - Səbəbini belə izah etdi
-
Magazin100:12
"Ərim deyir ki, üçüncü uşaq olmasa, səni boşayacam" - Sevda Yahyayeva
-
İdman26 İyul 22:00
Azərbaycan nümayəndə heyəti paraddan keçdi - VİDEO