Film kimi hadisə: Bəy toydan 12 gün sonra şoka düşdü - Gəlin kişi çıxdı

İndoneziyada 29 yaşlı gəncin başına qəribə hadisə gəlib. O, yaraşıqlı bir qızla evləndiyini güman edib, lakin toydan12 gündən sonra onun kişi olduğunu bilib.

Publika.az “South China Morning Post”a istinadən bildirir ki, gənc oğlan sevgilisi ilə internetdə tanış olub. Sonra bir il görüşüblər və oğlan bütün bu müddət ərzində sevgilisinin baş örtüyü də daxil olmaqla ənənəvi qadın paltarı geyindiyini bildirib.

Toydan əvvəl cütlüyün intim münasibəti olmayıb. Və toydan sonra yeni qurulan ər qanuni arvadını çarpayısını onunla bölüşməyə dəvət etdikdə, qadın bundan imtina edib və bir neçə gün ardıcıl olaraq bundan qaçmaq üçün müxtəlif bəhanələr gətirib.

Gənc nəyinsə səhv olduğundan şübhələnib, arvadı haqqında təfərrüatları öyrənməyə başlayıb və onun əvvəllər dediyi kimi yetim olmadığını öyrənib, valideynlərini tapıb. Ona bildiriblər ki, arvad əslində qadın paltarı altında gizlənən kişidir.

Məlum olub ki, o, fırıldaqçı olub və bununla da nişanlısının ailəsinin əmlakına sahib çıxmaq istəyib. İndi onu 4 ilə qədər həbs cəzası gözləyir.

Tural