103 yaşlı veteran uzunömürlülüyün sirrini açdı: soda və şokolad

103 yaşını qeyd edən amerikalı veteran uzunömürlülüyün sirrini açıb.

Publika.az xəbər verir ki, bu barədə “The New York Post” yazıb.

Frank Pugliano 1921-ci ildə İtaliyada anadan olub. Altı yaşında ailəsi ilə birlikdə ABŞ-a köçüb. 1942-ci ildə Pugliano Hərbi Dəniz Qüvvələrinə yazılır və İkinci Dünya müharibəsinə gedir. Sakit okean cəbhəsində yaponlara qarşı vuruşaraq Filippin sahillərinə kimi gedib çıxır.

1945-ci ildə Pugliano ABŞ-a qayıdır və orta məktəbdə sevdiyi qızla evlənir. O, bütün ömrünü dizel mühərrikləri üzrə mexanik kimi çalışıb. Veteran 103-cü ad günündə uzunömürlülüyünün əsas səbəbi kimi “Coca-Cola”, soda və tünd şokolad sevgisini göstərib.

Pugliano qocalmasına baxmayaraq, müntəzəm olaraq həyətdəki otları biçir. O hesab edir ki, fiziki fəaliyyət uzunömürlülüyün əsas sirlərindən biridir.

“Bu, həyatımın ən böyük günüdür. Yaşadıqlarımı nəzərə alsaq, 103 yaşımda burada olacağımı heç düşünməzdim. Həyatın necə olacağını heç vaxt bilmirsən”, - o, ailəsi və dostlarının iştirak etdiyi ad günündə belə deyib.

Cəmilə