Maraq dünyası

Hökumət nəvələrinə baxan nənə və babalara pul verəcək

2 İyul 2024 18:00

İsveç nənə və babalara nəvələrinə baxmağa və ödənişli valideyn məzuniyyəti almağa imkan verən yeni qanunun icrasına başlayıb.

Publika.az xəbər verir ki, bu barədə ölkə mətbuatı məlumat yayıb.

Bu, Skandinaviya ölkəsinin dünyada təkcə analar üçün deyil, atalar üçün ödənişli valideyn məzuniyyəti tətbiq edən ilk dövlət olmasından 50 il sonra baş verir.

Qanuna əsasən, valideynlər məzuniyyət müavinətinin bir hissəsini uşağın nənə və babasının hesabına köçürə bilər.

Qeyd edək ki, İsveçdə uşağınız doğulduğu zaman işdən tamamilə kənarda qalmaq hüququnuz var. Valideynlik müavinəti hər uşağa 480 gün və ya təxminən 16 ay ödənilir. Onlardan 390 gün üçün kompensasiya şəxsin tam gəlirinə əsasən hesablanır, qalan 90 gün üçün isə insanlar gündə sabit 180 kron (17 dollar) alırlar.

İsveçdə valideynlər üçün başqa üstünlüklər də var - onlar həmçinin uşağın 8 yaşına qədər qısaldılmış saatlarda işləyə bilərlər.

Adəm