Yadplanetli mumiyalarda telefona bənzər metal əşyalar tapıldı

Meksikadan olan jurnalist və ufoloq Xayme Maussan yadplanetli hesab etdiyi sirli mumiyalarla bağlı açıqlamaları ilə yenidən diqqətləri üzərinə çəkib.

Publika.az xəbər verir ki, bu barədə “Daily Mirror” məlumat yayıb. 2023-cü ilin sentyabrında Maussan "yadplanetli" adlandırdığı qalıqları təqdim etdi. O, Peru səhrasında tapılan mumiyaların yad varlıqlara aid olduğunu iddia edib və hətta ABŞ Konqresində tapıntılarını nümayiş etdirib. Onun sözlərinə görə, bu mumiyaların DNT-si insan DNT-sindən 30 faiz fərqlənir. Lakin Peru məhkəmə-tibb eksperti daha sonra müəyyən edib ki, mumiyalarda heyvan və insan sümükləri var.

Buna baxmayaraq, Maussan bunların saxta deyil, əsl yadplanetlilər olduğunu iddia etməkdə davam edir. O, bu yaxınlarda iddia edib ki, şübhəli yadplanetlilərin sinələrinə cib telefonlarına bənzər əşyalar taxılıb. Onun sözlərinə görə, bunlar kosmik sənayedə istifadə olunan nadir zəhərli metal olan osmiumdan hazırlanmış metal lövhələrdir. Maussan bunun kommunikasiya cihazı olduğunu bildirir və istisna etmir ki, mütəxəssislər bu cihazların niyə bədənin içərisinə düşdüyünü anlamalı olacaqlar.

Maussan əmindir ki, osmiumun mövcudluğu saxtakarlıq nəzəriyyələrini təkzib edir. "Saxta bir şey hazırlasaydınız, belə nadir metaldan istifadə edərdinizmi?" – ufoloq soruşub.

Tural