“Rus casusu” kimi şöhrət qazanan Hvaldimir Norveç sahillərində ölü tapıldı - FOTO

İlk dəfə Norveçdə Rusiya sularının yaxınlığında "Rusiya casusu" ola biləcəyi ilə bağlı şayiələrə səbəb olan boyunbağı taxılmış "Hvaldimir" adlı ağ balina ölü tapılıb.

Publika.az xəbər verir ki, bu barədə “Associated Press” məlumat yayıb.

Norveçin ictimai yayımı NRK xəbər verib ki, şənbə günü Norveçin cənubundakı Risavika körfəzində balıq tutan ata və oğul tərəfindən ağ balina cəsədi aşkar edilib.

Ləqəbinin birinci hissəsi norveçcə balina mənasını verən - hval -, ikinci hissəsi isə Rusiya prezidenti Vladimirin adını daşıyan beluqa balinası Hvaldimir kranla sudan qaldırılaraq yaxınlıqdakı limana aparılıb və orada mütəxəssislər araşdırma aparacaq. Lakin ölüm səbəbi hələ aydın deyil”, - dəniz bioloqu Sebastian Strand NRK televiziyasına bildirib və əlavə edib ki, heyvanda görünən ciddi xarici xəsarətlər yoxdur.

Norveçin “Marine Mind” qeyri-kommersiya təşkilatı adından son üç ildə Hvaldimirin macəralarını izləyən Strand balinanın qəfil ölümündən çox sarsıldığını bildirib.

Tural