İllərdir eşidilən sirli səsin mənbəyi tapıldı: Onlar keçərkən yaranır

ABŞ-ın Milli Okean və Atmosfer İdarəsinin (NOAA) Sakit Okean Adaları Balıqçılıq Elmi Mərkəzindən və Oreqon Dövlət Universitetinin okeanoloqları və dəniz bioloqları qrupu Sakit Okeanda iyirmi ildir müşahidə edilən sirli səs-küyün mənbəyini aşkar ediblər.

Publika.az xəbər verir ki, araşdırmanın nəticələri “Frontiers in Marine Science” jurnalında dərc olunub.

"Biotvanq" adlanan bu səs ilk dəfə 2014-cü ildə qeydə alınıb və metal zəng kimi xarakterizə edilib. O vaxtdan bəri müxtəlif yerlərdə bir neçə dəfə qeydə alınıb və mənşəyi ilə bağlı mübahisələrə səbəb olub. 2016-cı ildə elm adamları səs-küyün balinalar tərəfindən yarana biləcəyini irəli sürüblər və indi mənbənin Brayd balinaları olduğu müəyyən edilib.

Tədqiqatçılar öz fərziyyələrini təsdiqləmək üçün Mariana adalarında dəniz canlıları üzərində araşdırma aparıblar. Müşahidələr zamanı onlar su altında səslər yazarkən bir neçə nadir balina növünü aşkar ediblər. Məlumatların təhlili göstərib ki, biotvanqlar doqquz növ Brayd balinaları keçərkən yaranıb.

Tədqiqat qrupu həmçinin balina səslərini təhlil etmək üçün süni intellektdən istifadə edən proqram yaratmaq üçün "Google"un tərtibatçılar qrupu ilə əməkdaşlıq edib.

Tətbiqdən istifadə edərək alimlər aşkar ediblər ki, Brayd balinaları təkcə Mariana adaları yaxınlığında yaşamır, həm də onlar tez-tez Sakit Okeanın keçid zonasında - isti və soyuq suların qovuşduğu yerdə olurlar. Bu ərazi balinaları etibarlı qida mənbəyi ilə təmin edir.

Adəm