Jirinovski işgəncəsini və ölümünü qabaqcadan görüb: Oğlu elə şeylər danışdı ki...

Rusiyanın Liberal-Demokrat Partiyasının mərhum sədri Vladimir Jirinovskinin qeyri-qanuni oğlu siyasətçinin ölümündən bir müddət əvvəlki vəziyyəti ilə bağlı təfərrüatları danışıb. Jirinovski koronavirus səbəbi ilə ağciyərlərini ciddi zədələyib. O, süni nəfəs aparatına qoşulub və komada olub.

Publika.az xəbər verir ki, siyasətçinin ən gənc varisi Oleq Eydelşteyn NTV-nin jurnalistləri ilə "Yeni rus sensasiyaları" proqramı çərçivəsində atasının xəstəxanada işgəncələrə məruz qaldığını etiraf edib.

“Onun başına gələn ən pis şey yataq xəstəsi kimi bağlanmaq idi. Çünki ona boru qoşulmuşdu və onu qaparmaq istəyirdi. Bəzən o, yatanda mən gizlicə onu açırdım”, - Jirinovskinin qeyri-qanuni oğlu paylaşıb.

Onun sözlərinə görə, atası həmişə öz vəziyyəti haqqında məlumatın yayılmasının əleyhinə olub.

"StarHit"in məlumatına görə, Jirinovskinin oğlu deyib ki, o, hətta xəstəliyi barədə mediadan məlumat alıb.

"Mənə elə gəlir ki, o xəstə yatağında iki ay əzab çəkəcəyini qabaqcadan görmüşdü", - deyə varis bildirib.

"Baxmayaraq ki, Vladimir Jirinovski bütün həyatı boyu şöhrətli və tanınmış biri olub, ən çox əziyyət çəkdiyi şey "sirr dostları"nın olmaması olub" deyən Oleq Eydelşteyn əlavə edib ki, onun paylaşacağı və ya ünsiyyət quracağı heç kimi yox idi.

Adəm Abbaslı