“Simpsonlar” tarixi hadisələri necə öncədən bilir? - Serialın rejissoru həqiqətləri açdı

Bütün dünyanın maraqla izlədiyi ABŞ istehsalı olan “Simpsonlar” serialı dünyanı sarsıdan hadisələri əvvəlcədən bildiyi üçün daim gündəmdədir.

Publika.az xəbər verir ki, tamaşaçılar serialın hər şeyi necə bildiyi ilə maraqlanarkən rejissor Mett Selman illər sonra məsələyə aydınlıq gətirib.

Televiziya dünyasının ən uzunömürlü seriallarından biri olan “Simpsonlar” 1989-cu ildən bəri 36-cı mövsümünü nümayiş etdirir. Serial adi bir Amerika ailəsinin həyatından bəhs edir. Homer və Marj cütlüyünün Bart, Liza və Meqqi adlı uşaqları ilə birlikdə baş verən hadisələrdən bəhs edilir.

Uzun illərdir ki, serial gələcək hadisələri öncədən bilməklə bütün dünyada maraq oyadıb. 11 Sentyabr hücumları, Donald Trampın ABŞ prezidenti olması, koronavirus pandemiyası və bir çox başqa hadisələr illər əvvəl serialda müzakirə edilib.

Məşhurluğunu itirməyən serialın rejissoru Mett Selman serialdakı mövzuların real həyatda baş verməsinin normal olduğunu bildirib:

“Hər zaman verdiyim cavab budur ki, tarix və riyaziyyat oxusanız, bunu özünüz biləcəksiniz. Riyaziyyat həyatın bir hissəsidir. Bəşəriyyətin keçmiş axmaqlıqlarını araşdıraraq serial çəksəniz, bəşəriyyətin gələcək axmaqlıqlarını təxmin edəcəksiniz”.

Aysel