Nuhun gəmisi yeni versiyada: Ayda "Qiyamət anbar"ı tikiləcək

Dünya mühafizəçiləri nəsli kəsilmək ərəfəsində olan növlərin qorunması problemindən narahatdırlar. Bunlar bitkilər, heyvanlar və digər orqanizmlərdir. Onların nümunələri təhlükəsiz anbarlarda toplanır.

Publika.az xəbər verir ki, bu barədə "Snexplores.org" məlumat yayıb.

Bildirilir ki, bəzi tədqiqatçılar Norveçdəki Şpitsbergendə hazırda mövcud olan Dünya Anbarına alternativ və ya analoq kimi Ayda bir növ Nuhun gəmisini tikməyi təklif edirlər. O, 2008-ci ildən fəaliyyət göstərir və məcazi mənada “Qiyamət anbarı” adlanır. Obyekt qayalıqda 120 m dərinlikdə yerləşir və 4,5 milyon çeşiddə kənd təsərrüfatı bitkiləri saxlamaq qabiliyyətinə malik bunkerdir.

Qeyd olunur ki, 2017-ci ildə anbar otağında permafrost əriyəndə, xoşbəxtlikdən, toxumlar zədələnmədi. Alimlər belə qərara gəliblər ki, ehtiyat otaq tələb olunur. Planetimizdə belə "şübhəli" ərazilər getdikcə çoxaldığından, Ayı tədqiq etmək təklif olunur.

Ayın cənub qütbündə kölgəli bir yer ideal olardı. Burada səthdə temperatur -196 °C-ə çatır. Vaşinqtondakı Mühafizə Biologiyası İnstitutunun və Arizona Universitetinin təklif üzərində işləyən ekspertlər qrupu deyir ki, bu, canlı orqanizmlərin hüceyrələrinin, toxumlarının və DNT-nin təhlükəsiz, uzunmüddətli saxlanması üçün tələb olunan minimum göstəricidir.

Bildirilir ki, proses heç bir enerji və ya müntəzəm insan iştirakı tələb etməyəcək. Obyekt hətta sağalma proseslərində və orqan strukturunun saxlanmasında əsas rol oynayan fibroblastları, birləşdirici toxuma hüceyrələrini saxlaya biləcək. Onlar artıq itmiş və ya nəsli kəsilmək təhlükəsi ilə üzləşmiş növlərin populyasiyalarını bərpa etmək üçün faydalı olacaq. Bu, Ayda və hətta Marsda gələcək insan koloniyalarında ekosistemləri yenidən yaratmağa imkan verəcək.

Bundan başqa, temperaturun qəfil dəyişməsi təhlükəsi də var. Bu problemin necə həll olunacağı hələ aydın deyil. Nəhayət, layihə bütün dünya ictimaiyyətinin razılığını və əməkdaşlığını tələb edir. Hansı ki, hələ də sual altındadır.

Adəm