Günəş Yeri belə məhv edəcək: Dünyanın SON TARİXİ AÇIQLANDI

Günəşin istiləşməsi və qocalması prosesi Yer planetində geniş yayılmış istixana effektinə gətirib çıxara bilər və nəticədə planetimizdəki həyatı məhv edə bilər.

Publika.az "Planetary Science" jurnalına istinadən xəbər verir ki, bunu amerikalı alimlərin apardığı son tədqiqatlar müəyyən edib.

Günəş, Kainatın digər ulduzları kimi, getdikcə daha da istiləşir və parlaqlaşır. Alimlərin hesablamalarına görə, Yer planetinin yaranmasından keçən 4,5 milyard il ərzində Günəşin parlaqlığı 30 faiz artıb. Və bu proses kifayət qədər sürətlə davam edir.

Günəş təkamülündə müəyyən bir mərhələyə çatdıqda, radiasiyası o qədər güclü olacaq ki, Yer planetində istixana effekti yaranmağa başlayacaq. Bu, planetimizin kəskin istiləşməsinə gətirib çıxaracaq. Bu isə planetimizdə həyatın mövcudluğu üçün fəlakətli nəticələrə səbəb olacaq. İqlim dəyişikliyinə uyğunlaşa bilməyən bitkilər əziyyət çəkəcək, heyvanlar isə qida mənbəyindən məhrum olacaqlar. Nəhayət, insanlar üçün həyat qeyri-mümkün olacaq.

Alimlər hesab edirlər ki, bu ssenari planetimizdə təxminən bir milyard ildən sonra inkişaf edə bilər.

Adəm