Bədbəxt insanlar tez-tez bu ifadələri işlədirlər

Amerikanın "Parade" nəşri psixoloqların köməyi ilə bədbəxt insanların tez-tez işlətdikləri ifadələri müəyyənləşdiriblər.

Publika.az Teleqraf-a istinadla bu ifadələri təqdim edir:

1. “Məndə heç nə alınmır” – Uğursuzluq və ümidsizliyi əks etdirir.

2. “Heç kim məni dinləmir” – Özünü tənha hiss edən və "məni başa düşən yoxdur" düşüncəsində olan insanların sözüdür.

3. “Mənə fərqi yoxdur” – Ruh düşkünlüyünü gizlətmək üçün müdafiə mexanizmidir.

4. “Niyə həmişə mənim başıma gəlir?” – Özünü qurban kimi görənlərin tez-tez dediyi sözlərdir.

5. “Mən heç vaxt kifayət qədər yaxşı olmayacam” – Özünü başqaları ilə müqayisə edən və dəyərsiz hiss edənlərin fikridir.

6. “Şanssızam” – Bütün uğursuzluqları taleyin üstünə atan yanaşmadır.

7. “Mənim üçün artıq gecdir" - İmkanların əldən çıxdığını düşünənlərin sözüdür.

8. “Nə üçün cəhd edim ki?” – Cəsarətli addımların qarşısını alır.

9. “Həmişə hər şeyi korlayıram” – Özünü sabotaj etməyin və peşmançılığın nəticəsidir.

10. “Heç kimə lazım deyiləm” – Əslində, bu fikir əlaqə qurmağa olan ehtiyacın göstəricisidir.

Psixoloqlar bildirirlər ki, bu cür ifadələr insan psixologiyasında özünəinamı sarsıdır və uzunmüddətli narazılığa səbəb ola bilər. Onların fikrincə, düşüncə tərzini dəyişmək və hadisələrə fərqli yanaşmaq, bu ifadələri daha pozitiv alternativlərlə əvəzləmək psixoloji vəziyyətin yaxşılaşmasına kömək edə bilər.