Avropalı keşişin müəmmalı mumiyasının sirri açıldı

Avstriyada olan qədim mumiyanın sirri açılıb. Tədqiqatçıların fikrincə, 18-ci əsrdə Avstriyada insan qalıqlarını qorumaq üçün bu üsul əvvəllər məlum olmayıb.

Publika.az "The Guardian"a istinadən xəbər verir ki, tədqiqatçılar Avstriya kəndindən olan mumiyanın sirrini nəhayət həll ediblər.

Uzun müddətdir ki, saxlanılan mumiyalanmış cəsədin ətrafında çoxlu intriqalar var idi. Qalıqların 1746-cı ildə 37 yaşında ölən və mumiyaya "havada qurudulmuş keşiş" ləqəbini qazandıran aristokrat Frans Ksaver Zidler von Rozeneqin təbii şəkildə qorunub saxlanmış cəsədi olması haqda şayiələr var idi.

İndi ekspertlər cəsədin mumiyalaşdırıldığını, qarın və çanaq boşluqlarının ağac qırıntıları, parçalanmış budaqlar, çətənə və ipək kimi parçalar və sink xlorid - bədənin içindəki mayeləri uda bilən materiallarla doldurulduğunu söyləyirlər.

"Frontiers in Medicine" jurnalında dərc olunan məqalədə mumiyanın əvvəllər ekspertlər tərəfindən xaricdən müayinə edildiyi və digər testlər arasında rentgen şüalarından istifadə edildiyi bildirilib. Mumiyanın aşağı sol bağırsağında yuvarlaq bir quruluş aşkar edilib və bu da meyitin içərisində bir növ "zəhərli kapsul" olduğuna dair şayiələri gücləndirib.

Mumiyanın, böyük ehtimalla 35-45 yaşlarında olan kişiyə aid olduğu və dəri nümunəsinin radiokarbon analizi onun 1734-1780-ci illər arasında öldüyünü göstərib.

Skeletdə heç bir stress əlamətinin olmaması onun nisbətən asan həyat sürən bir adam olduğunu göstərir.

“Zəhərli kapsul”a gəlincə, tədqiqatçılar bu əşyanın şüşə muncuq olduğunu aşkar ediblər.

Mumya üzərində işləyən komanda əlavə edib ki, Zidlerin ölüm səbəbi, ehtimal ki, vərəm nəticəsində ağciyərlərə qanaxma olub.

Adəm