Ən böyük kəhrəba külçəsi bu qiymətə satıldı

"Rostec"in Kalininqrad Kəhrəba Zavodu tərəfindən hərracda təqdim edilən "Baltikyanı Suvenir" adlı ən böyük kəhrəba külçəsi bir milyon rubldan çox qiymətə satılıb.

Publika.az xəbər verir ki, bu barədə zavodun mətbuat xidməti məlumat yayıb.

Moskvada ilk dəfə keçirilən "AmberForum25" kəhrəba sənayesi forumu çərçivəsində kəhrəba külçələrinin unikal auksionu keçirilib.

Hərrac iştirakçılarının diqqətini bu günlərdə nadir hallarda rast gəlinən, çəkisi bir kiloqram və daha çox olan iri kəhrəba nümunələri cəlb edib. 2024-cü ildə on belə külçə, bu il isə indiyədək cəmi beşi tapılıb. Keçmiş hərracda təqdim edilən ən böyük külçə 2,122 kiloqram ağırlığında “Baltikyanı Suvenir” daşı olub. Bu nümunənin qiyməti 53 dəfə artıb və nəticədə 650 min rubldan 1,18 milyon rubla yüksəlib.

Qeyd edilib ki, “Baltikyanı suvenir” külçəsi qeyri-adi quruluşa malikdir. Əvvəlcə qatran ağacın gövdəsinə nüfuz edib, nəticədə külçənin birinci hissəsi əmələ gəlib. Ağac qabığı şəklində təbii maneə məhv edildikdən sonra qatran yuxarıdan axmağa müvəffəq olub. Çalarların geniş çeşidinə açıq tutqun, şəffaf bal və konyak-qırmızı rənglər daxildir.

Hüseyn İbadlı