Günəş qabıqdan belə çıxdı - VİDEO

Ötən gecə Günəşdən iki nəhəng çıxıntı - protuberans ayrılıb.

Publika.az xəbər verir ki, bu barədə Rusiyanın Kosmik Tədqiqatlar İnstitutunun (İKİ) Günəş Astronomiya Laboratoriyası məlumat yayıb.

Bildirilir ki, hadisə Bakı vaxtı ilə saat 23:30 radələrində Yerin cənub yarımkürəsində görünən Günəş tutulmasının maksimal fazası ilə üst-üstə düşüb. Hər bir protuberansın qeydə alınmış ölçüləri təxminən bir milyon kilometr və ya Yerin ölçüsündən təxminən 70 dəfə böyük olub. Hər iki plazma filamenti planet orbitlərinin yanından keçib - biri yuxarıda, digəri aşağıda, ekliptikanın müstəvisində. Bu, sentyabrda bu miqyasda baş verən ilk hadisədir və Günəşin aktivliyinin ümumi azalmasına baxmayaraq hələ də böyük enerji ehtiyatlarına malik olduğunu təsdiqləyir.

Qeyd edək ki, protuberans Günəşin səthindən atılan və onun maqnit sahəsi tərəfindən tutulan nəhəng isti plazma reaktivləridir.

Videoda GOES-R kosmik gəmisində SUVI günəş teleskoplarının müşahidələri göstərilir. Görüntülər sentyabrın 21-i Bakı vaxtı ilə saat 21:30-dan sentyabrın 22-si səhər saat 6:30-a qədər çəkilib.

Adəm