Məşhur milyarder neçə övladı olduğunu bilmir: 15 il əvvəl bir dostu arvadı ilə...

Rusiyalı milyarder Pavel Durov əvvəllər Parisdə tanış olduğu məşhur podkaster Leks Fridmana dörd saatlıq müsahibə verib.

Publika.az xəbər verir ki, “Telegram” qurucusu sperma donoru olmaq qərarını müzakirə edib, niyə bütün bioloji övladlarını vəsiyyətnaməsinə daxil etdiyini və varislərinin pullarını nə üçün yalnız yetkinlik yaşına çatdıqdan sonra alacağını izah edib. Uşaqlarının sayı barədə soruşduqda, Durov etiraf edib: "Həqiqət budur ki, mən özüm neçə bioloji uşağım olduğunu bilmirəm". Sahibkar təxminən 15 il əvvəl bir dostunun arvadı ilə uşaq sahibi ola bilməsi üçün sperma bağışlamaq üçün ona necə müraciət etdiyi haqda danışıb.

Əvvəlcə qəribə görünsə də, Durov sonradan problemin ciddiliyini anlayıb və kömək etməyə razı olub. Sonradan digər ailələrə də kömək edib:

"Bununla inanılmaz dərəcədə qürur duyduğumu deyə bilmərəm, amma hesab edirəm ki, bu, düzgün qərar idi".

Vəsiyyətindən danışan Durov bioloji övladları ilə donorluq yolu ilə doğulanlar arasında fərq qoymadığını vurğulayıb.

“Əgər onlar bizim DNT-ni paylaşdıqlarını sübut edə bilsələr, o zaman mənim ölümümdən sonra mirasdan pay almaq hüququ qazanacaqlar”. O, mirasın nə üçün yalnız uşaqları yetkin olanda onlara veriləcəyini də izah edib:

"Həddindən artıq varlı olmaq motivasiya və iradə gücünü zəiflədir. Xüsusilə oğlanların öz nailiyyətlərindən çox atalarının var-dövləti ilə fəxr etmələri son dərəcə zərərlidir".

Durov nəhəng sərvətini yüz və ya daha çox varis arasında bölüşdürmək qərarına gəlib ki, hər birinin məbləği fantastik olmasın. Amma yenə də əhəmiyyətli məbləğ olacaq – söhbət milyonlardan gedir.

Tural