Maraq dünyası

İspan kraliçasının əfsanəvi xəzinəsi burada tapıldı - FOTO

3 Oktyabr 2025 17:52

ABŞ-ın Florida ştatı sahillərində arxeoloqlar 310 il əvvəl batmış İspaniya gəmilərindən qızıl və gümüş sikkələr tapıblar.

Publika.az xəbər verir ki, bu barədə "Associated Press" məlumat yayıb.

Əfsanəvi xəzinə "1715 Fleet — Queens Jewels" şirkəti tərəfindən aşkar edilib. Mindən çox sikkədən ibarət olan tapıntı bir milyon dollar dəyərində qiymətləndirilir.

Aşkar edilmiş sikkələr İspaniyanın Boliviya, Meksika və Peru müstəmləkələrində zərb edilib və 11 gəmi ilə İspaniyaya göndərilib. 1715-ci ildə bu gəmilər tufana düşüb və onların qiymətli yükləri Florida sahillərində batıb. Daşıdıqları əşyaların dəyərinə görə bu ispan gəmilərinə “Gümüş Donanma”, artefaktların özləri isə “İspan Kraliçasının xəzinəsi” ləqəbi verilib.

Adəm